සංචරණ සීමා නිසා මේ වන විට දිවයින පුරා සුරාසැල් වසා දමා තිබීම හේතුවෙන් Online ක්‍රමයට මත්පැන් අලෙවි කිරීම සඳහා සුපිරි වෙළෙඳසැල්වලට අවස්ථාව ලබාදෙන ලෙස ඉල්ලමින් සුරාබදු කොමසාරිස් ජනරාල්වරයා මුදල් අමාත්‍යංශය වෙත ලිපියක් යොමුකර තිබෙනවා.
අදාළ ලිපිය මගින් සුරාබදු කොමසාරිස් ජනරාල්වරයා පෙන්වාදී ඇත්තේ දිවයින පුරා සුරාසැල් වසා දමා තිබීම හේතුවෙන් රටේ බහුතරයක් ජනතාව නීතිවිරෝධී මත්පැන් නිෂ්පාදනයට හා පරිහරණයට පෙළඹී ඇති බවට පසුගිය කාල සීමාවේදී නිරීක්ෂණය වී ඇති බවයි.
එමෙන්ම මෙවැනි කටයුතු නිසා ඉදිරියේදී රජයේ බදු ආදායම් දීර්ඝ කාලීනව අහිමිවී යාමේ අවදානමක් ඇතිවිය හැකි බවද ඔහු පෙන්වා දී තිබෙනවා.
මේ වන විටත් පාරිභෝගිකයින් සහ සුපිරි වෙළෙදසැල් මගින් සිදුකරනු ලැබූ ඉල්ලීම් සළකා බලා නියමු ව්‍යාපෘතියක් ලෙස පාරිභෝගියකයින් වෙත මත්පැන් සුපිරි වෙළෙදසැල් හරහා ඔන්ලයින් ක්‍රමයට මිලදී ගැනීමට අවසර ලබාදෙන ලෙසයි අදාළ ලිපියෙන් සුරාබදු දෙපාර්තමේන්තුවේ අධ්‍යක්ෂක ජනරාල් එම්.ජේ.ගුණසිරි මහතා ඉල්ලා ඇත්තේ.
