ජිප්සීස් සංගීත කණ්ඩායමේ නායක සුනිල් පෙරේරා මහතා විසින් අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කර තිබෙනවා.
ඒ, තමා විසින් නිර්මාණය කළ ගීතයක් අනවරසයෙන් භාවිතා කිරීම හා විකෘති කිරීම සම්බන්ධයෙනි.
සුනිල් පෙරේරා මහතා ප්‍රමුඛ ජිප්සීස් කණ්ඩායමේ ජනප්‍රිය ගීතයක් වූ ‘තාත්ත මට ඇනපු ටොක්ක’ ගීතයේ පදමාලාව වෙනස් කර පවත්නා රජයට සහ එහි බළධාරීන්ට අපහාසාත්මක ගීතයක් නිර්මාණය කර ඇති බවයි සුනිල් පෙරේරා මහතා පවසන්නේ.
මෙම ගීතයේ පදමාලාව වෙනස් කිරීම සඳහා තමන්ගෙන් කිසිදු අවසරයක් ලබාගෙන නොමැති බව පවසන සුනිල් පෙරේරා මහතා අපරාධ පරීක්ෂණ දෙපාර්තමේන්තුවෙන් ඉල්ලා සිටිනේ මේ සම්බන්ධයෙන් විධිමත් පරීක්ෂණයක් සිදු කරන ලෙසයි.
තමා දේශපාලනය උපහාසයට ලක් කරමින් ගීත නිර්මාණය කර ඇතත් කිසිවිටෙකත් පුද්ගලයන් ඉලක්ක කර ගනිමින් හෝ වෙනත් පාර්ශ්වයකට අපහාස සිදුවන අන්දමින් හෝ නිර්මාණ සිදුකර නොමැති බවද ඔහු වැඩිදුරටත් පවසනවා.
