කර්මාන්ත අමාත්‍යාංශයේ ලේකම්වරයාව සිටි පසුගියදා ඉල්ලා අස්වූ අනූෂ පැල්පිට මහතාව සංවර්ධන ලොතරැයි මණ්ඩලයේ සභාපතිවරයා ලෙස පත්කර තිබෙනවා.
අනූෂ පැල්පිට මහතා කර්මාන්ත අමාත්‍යාංශයෙන් ඉවත්වූ පසුව එම තනතුර සඳහා ශ්‍රී ලංකා වරාය අධිකාරියේ හිටපු සභාපති විශ්‍රාමික ජෙනරාල් දයා රත්නායක මහතා පත්කෙරුණා.
අනූෂ පැල්පිට මහතා ඉවත්වීමත් සමඟ ඉරිදා දිවයින පුවත්පත වාර්තා කළේ කර්මාන්ත අමාත්‍ය විමල් වීරවංශ මහතා හට මූල්‍ය විනයක් නොමැති බවත් ඔහු ලබාදෙන නීතිවිරෝධී නියෝග පිළිපැදීමට නොහැකි බවත් සඳහන් කරමින් පැල්පිට මහතා ජනාධිපතිවරයාට ලිපියක් යොමුකර තිබූ බවයි.
මීට පෙර රාජ්‍ය ආයතන ගණනාවක මෙන්ම රජයේ ප්‍රවෘත්ති අධ්‍යයක්ෂ ධුරයේ ද අනූෂ පැල්පිට මහතා වත්මන් ආණ්ඩුව බලයට පත්වීමෙන් අනතුරුව කර්මාන්ත අමාත්‍යාංශයේ ලේකම් ධුරයට පත්කෙරුණා.
කෙසේ වෙතත් පසුගිය මහින්ද රාජපක්ෂ ආණ්ඩු සමයේ සම්බුද්ධ ජයන්තිය සැමරීම වෙනුවෙන් දිවයිනේ වෙහෙර විහාරස්ථාන දහසක් කේන්ද්‍රකොට ගෙන පැවැත්වූ සීල සමාදාන ව්‍යාපාරයට සහභාගි වූ උවසු උවැසියන් හා පාසල් සිසුන් එක්ලක්‍ෂ පනස්හ දහසකට සිල් රෙදි බෙදා දීම සඳහා විදුලි සන්දේශ නියාමන කොමිෂන් සභාවේ මුදල් රුපියල් මිලියන හය සියයක් වැය කිරීමෙන් රාජ්‍ය මුදල් අවභාවිත කිරීමේ චෝදනා මත අනූෂ පැල්පිට මහතා සිරගත කර සිටියා.
