කණ්ඩායම් දෙකක හිමිකරුවන් LPL දෙවන අදියරේදී සිය කණ්ඩායම් අතහැර තිබෙනවා. කෙසේ වෙතත් තරග සංවිධායකයන් පවසන්නේ වෙනත් දෙදෙනෙක් එම අයිතිය ලබා ගැනීමට මේ වනවිටත් කැමැත්ත පලකර ඇති බවයි.
එලෙස ඉවත්ව ඇත්තේ Colombo Kings සහ Dambulla Viking හිමිකරුවන්. ශ්රී ලංකා ක්රිකට් උප සභාපති සහ LPL ප්රධානී රවීන් වික්රමරත්න පවසන්නේ ඔවුන්ගේ ඉවත්වීම තරගාවලියේ ඉදිරි සැලසුම් සඳහා බලපෑමක් සිදු නොකරන බවයි. දැනට සැලසුම් කර ඇත්තේ LPL තරගාවලිය ජූලි 30 සිට අගෝස්තු 22 දක්වා පැවැත්වීමටයි.
පළමු LPL තරගාවලියේදී මෙම කණ්ඩායම් දෙකම අවසන් පූර්ව වටයට පිවිසුණා. Dambulla Viking හිමිකාරිත්වය Sachiin Joshi සහ Viking Ventures විසින් දැරූ අතර Colombo Kings හිමිකාරිත්වය දැරුවේ Murfad Mustafa සහ Faza Group විසින්.
රවීන් වික්රමරත්න පවසන්නේ එම කණ්ඩායම් සඳහා ඉදිරිපත් වූ නව හිමිකරුවන්ගේ තොරතුරු ජාත්යන්තර ක්රිකට් කවුන්සිලය වෙත යොමුකළ බවයි. කෙසේ වෙතත් එම හිමිකරුවන් පිළිබඳ තොරතුරු ඔහු අනාවරණ කළේ නැහැ. කෙසේ වෙතත් මෙවර තරගාවලිය සඳහාද කණ්ඩායම් පහක් එක්වන බව ඔහු අවධාරණය කළා.
පළමු LPL තරගාවලිය මෙන්ම ජෛව බුබුලු සංකල්පය ආරක්ෂා කරගැනීමේ පහසුව සැලකිල්ලට ගෙන මේ වසරේද තරගාවලිය සූරියවැවදී පැවැත්වෙනු ඇති.