ප්රජාතන්ත්රවාදී කදවුරට පක්ෂපාතී මාධ්යයට එරෙහිව හොංකොං සහ චීන බලධාරීන් සිදුකරන මාධ්ය මර්දනය අඛණ්ඩව සිදුවන බව විදෙස් මාධ්ය වාර්තා කරයි.
ඒ අනුව ඇපල් ඩේලි පුවත්පතේ ජ්යෙෂ්ඨ කර්තෘ මණ්ඩල ලේඛකයෙකු වන ෆුන්ග් වායි කොන්ග් හොංකොං ගුවන් තොටුපලේදී අත්අඩංගුවට ගෙන තිබේ.
විවේචනයට ලක්ව ඇති ජාතික ආරක්ෂක පනත යටතේ මෙම අත්අඩංගුවට ගැනීම සිදුකර ඇත්තේ විදෙස් රටවල් සහ පාර්ශව සමග එක්ව කුමන්ත්රණකාරී කටයුතුවල නිරත වූ බවට චෝදනා කරමිනි.
හොංකොංහි විශාලම ප්රජාතන්ත්රවාදී පුවත්පත ලෙස සැලකුණු ඇපල් ඩේලි පුවත්පතේ හිමිකරු මේ වනවිට බන්ධනාගාරගත කර ඇති අතර කර්තෘවරයා සහ තවත් විධායක නිලධාරින් සිව්දෙනෙකු අත්අඩංගුවට ගෙන තිබේ.
මේ හේතුවෙන් පසුගිය සතියේ සිට පුවත්පත පළකිරීම නතර කිරීමට ද සිදුවී තිබිණ.
මේ අතර හොංකොංහි තවත් ප්රජාතන්ත්රවාදී ප්රකාශනයක් වන නෙක්ස්ට් ඩිජිටල්හි මාධ්යවේදීන් දෙදනෙකෙුද ජාතික ආරක්ෂක නීති යටතේ අත්අඩංගුවට ගෙන ඇත.
හොංකොංහි සිදුවන මෙම මාධ්ය මර්දනය, මාධ්යවේදීන්ගේ ආරක්ෂාව සදහා වන අන්තර්ජාතික කමිටුව , දේශසීමා රහිත මාධ්යවේදීන්ගේ සංවිධානය වැනි අන්තර්ජාතික මාධ්ය සංවිධාන මෙන්ම රටවල් රැසක් විසින්ද හෙළා දැක තිබේ.