නායකයින් තේරීමෙන් පලක් නොවන අතර නායකයෙක් යනු බිහි විය යුතු අයෙක් බව පූජ්ය මුරුත්තෙට්ටුවේ ආනන්ද හිමියන් පවසයි.
මේ රටේ බලය එක පුද්ගලයෙකුට නොදෙන ලෙස සෝභිත හිමියන කළ ප්රකාශය දැන් සත්ය වී ඇති බවත් දැන් සිදුව ඇත්තේද දුන් බලය රැකගැනීමට පාලකයන්ට නොහැකි වීම බවත් මුරුත්තෙට්ටුවේ හිමියන් පෙන්වා දෙයි.
මෙහිදී වැඩිදුරටත් අදහස් දැක්වූ උන්වහන්සේ,
”ජනතා ප්රශ්න වලට ඇහුම්කන් නොදී ජනතාව මහපාරේ ඉදගන්න සලස්වන,බඩගින්නේ තියන්න සැලසුම් කරනවා නම් කවර හෝ කෙනෙක්,මොනම හෝ ආණ්ඩුවක් ඒ ආණ්ඩුව වෙනස් කරන්න අපිට අයිතියක් තිබෙනවා. බලයක් තිබෙනවා. අපි යන්නේ ජනතාවට යහපතක් වෙන මඟකට. අපි පාර්ලිමේන්තු යන්න හදන්නේ නැහැ. බලයට එන්නේ කවුද කියන එක ජනතාව තීන්දු කරයි. නමුත් ඔක්කොටම ඉස්සර ජනතාව දැනුවත් කරන්න ඕනේ. නැත්නම් කොහේ හරි ඉන්න හාල්පාරුවෙක් ගෙනත් දැම්මොත් ඊළඟට මොකද කරන්නේ. අපිට එහෙම බලාපොරොත්තුවක් නැහැ.” යැයි උන්වහන්සේ පවසයි.