හොංකොංහි ජාතික ආරක්ෂක නීති හරහා සිදුවන බව කියන මානව හිමිකම් උල්ලංඝනය කිරීම් සම්බන්ධයෙන් නිරීක්ෂණය කිරීමට අවස්ථාවක් ලබාදෙන්නැයි එක්සත් ජාතීන්ගේ සංවිධානයේ මානව හිමිකම් විශේෂඥයන් විශේෂ ඉල්ලීමක් ඉදිරිපත් කර තිබේ.
එක්සත් ජාතීන්ගේ මානව හිමිකම් විශේෂ නියෝජිත ක්ලෙමන්ට් වෝල් මෙම ඉල්ලීම ඉදිරිපත් කර ඇත්තේ හොංකොංහි තත්ත්වය පිළිබද ජීනිවාහි අන්තර්ජාතික මානව හිමිකම් කවුන්සල කාර්යාලයේ පැවති අවශේෂ රැස්වීමකදීය.
කෙසේවෙතත් ඊට එක්වූ චීන නියෝජිතයා සදහන් කර ඇත්තේ ඊට ඉඩදිය නොහැකි බවත් එම ඉල්ලීමම චීනයේ අභ්යන්තර කටයුතුවලට අතපෙවීමක් බවත්ය.
හොංකොංහි ප්රජාතන්ත්රවාදය දරුණු ලෙස පිරිහී ඇති බවත් එය මේ වනවිට පොලිස් රාජ්යයක් බවට පත්ව ඇති බවත් මෙම රැස්වීම්ට එක්වූ හොංකොං මානව හිමිකම් නියෝජිතයන් ප්රකාශ කර තිබේ.
මේ අතර එක්සත් ජාතීන්ගේ මානව හිමිකම් කොමසාරිස් මිචෙල් බැචලේ පසුගියදා ප්රකාශ කර තිබුණේ චීනයේ ෂින්ජියෑන්ග් ප්රාන්තය ආශ්රිතව සිදුවන බව කියන මානව හිමිකම් උල්ලංඝනයවීම් සම්බන්ධයෙන් නිරීක්ෂණය කිරීම සදහා එහි යෑමට කටයුතු කරන බවයි.