සුප්රකට අලිබබා සමාගම ඇතුලු චීනයේ තවත් ප්රධාන අන්තර්ජාල වෙළෙදාමේ නිරත සමාගම කිහිපයකට එරෙහිව චීන බලධාරීන් විශාල දඩ මුදලක් පනවා ඇතැයි වාර්තා වේ.
විදෙස් මාධ්ය වාර්තා කළේ, ටෙන්සෙන්ට්, ඩිඩි ටෂින්ග් ඇතුලු සමාගම්වලට එරෙහිව චීන වෙළෙදපළ නියාමන අධිකාරිය මගින් මෙළෙස දඩ මුදල් නියම කර ඇති බවයි.
චීනය තුළ ක්රියාත්මක දැඩි අන්තර්ජාල නියාමන නීති කඩකිරීමට අදාළ පැමිණිලි 22ක් විභාග කොට එහිදී වැරදිකරුවන්වීම හේතුවෙන් මෙම සමාගම්වලට ඩොලර් ලක්ෂ 15 කට අධික දඩ මුදලක් පනවා ඇති බව සදහන් වේ.
ඩිඩි ටෂින්ග් සමාගම මගින් පවත්වාගෙන ගිය ඇප් මෘදුකාංගයක් පසුගිය සතියේදී චීන බලධාරීන් විසින් තහනමට ලක්කෙරුණු අතර එහිදී බලධාරීන් ප්රකාශ කළේ එම ආරක්ෂාවට අදාළ නීති කඩකිරීම හේතුවෙන් එම තීරණය ගත් බවයි.
මෙම සමාගම් ඇමරිකානු වෙළෙඳපොළ තුළද කටයුතු කරන අතර ඒ සම්බන්ධයෙන්ද චීන බලධාරීන්ගේ විශේෂ අවධානයක් යොමු වී ඇති බව විදෙස් මාධ්ය වාර්තා කර තිබේ.