වත්මන් රජය යටතේ ක්‍රියාත්මක වන සංවර්ධන ව්‍යාපෘති සඳහා ණය ලබා නොගන්නා බවත්, ණය ලබා ගැනීම වෙනුවට ආයෝජකයන් ගෙන්වන බවත් ගෝඨාභය රාජපක්ෂ මහතා ප්‍රකාශ කළ නමුත් අද වනවිට එම සංකල්පය සම්පූර්ණයෙන් වෙනස් වී ඇති බව සමගි ජන බලවේගයේ පාර්ලිමේන්තු මන්ත්‍රී හර්ෂ ද සිල්වා මහතා පවසනවා.
ඒ ඊයේ (11) පැවති මාධ්‍ය හමුවක් අමතමින්.
ආයෝජකයන් ගෙන්වා ඔවුන්ගේ වියදමින් ව්‍යාපෘති ක්‍රියාත්මක කර ඔවුන්ගේ වියදම හා ලාභය පියවා ගත් පසු එම ව්‍යාපෘති රටට හිමිකර ගැනීම ජනාධිපතිවරයාගේ සංවර්ධන මොඩල් එක වූ බවයි හර්ෂ ද සිල්වා මහතා පවසන්නේ. කෙසේ නමුත්, එම මොඩලය යටතේ සැළසුම් කර තිබෙන නව කැලණි පාලමේ සිට අතුරුගිරිය දක්වා දිවෙන අධිවේගී මාර්ගය සඳහා බැසිල් රාජපක්ෂ මහතා මුදල් ඇමතිවරයා ලෙස පත්වීමෙන් පසුව විශාල මුදලක් ගෙවීමට නියමිත බවද මන්ත්‍රීවරයා පෙන්වා දෙනවා.
