පසුගියදා පාර්ලිමේන්තු වට රවුම අසලදී උද්ඝෝෂණයේ නිරතව සිට මුලතිව් ගුවන් හමුදා කදවුර වෙත නිරෝධායනයට රැගෙන ගිය ගුරුවරුන් අතරින් දෙදෙනෙකුට කොවිඩ් ඩෙල්ටා ප්රභේදය ආසාදනය වී ඇතැයි ග්රාමීය හා ප්රාදේශීය පානීය ජලසම්පාදන ව්යාපෘති සංවර්ධන රාජ්ය අමාත්ය සනත් නිශාන්ත මහතා පවසනවා.
රාජ්ය අමාත්යවරයා සදහන් කරන්නේ මෙම වර්ජන රැල්ල කොවිඩ් 19 වසංගත තත්ත්වය වැඩිදියුණු කිරීමට සිදුකරන උත්සහයක් බවයි.
මේ හේතුවෙන් සිංහල අලුත් අවුරුදු පොකුර මෙන් වර්ජන පොකුරක් ඇතිවීමේ අවධානමක් පවතින බවද ඔහු වැඩිදුරටත් සදහන් කළා.
අදාළ ගුරු උද්ඝෝෂණයේදී එම ගුරුවරුන් අත්අඩංගුවට ගැනීමට කටයුතු කළ පොලිස් නිලධාරීන්ද මේ වන විට නිරෝධායනය සඳහා යොමුකර ඇති බවයි රාජ්ය අමාත්ය සනත් නිශාන්ත මහතා පවසන්නේ.
රාජ්ය අමාත්ය සනත් නිශාන්ත මහතා සිදුකල ප්රකාශය පිළිබදව අප මුලතිව් ගුවන් හමුදා කදවුරෙන් විමසීමක් කළා.
එහි නිලධාරියෙකු පැවසුවේ උද්ඝෝෂණය හේතුවෙන් මේ වන විට නිරෝධායනයට යොමුකර සිටින පුද්ගලයන්ගේ PCR වාර්තා යාපනය රෝහලේදී පරික්ෂා කර පසුගිය 11වනදා ලබාගත් නමුත් ඉන් කිසිවෙකුත් කොවිඩ් ආසාදිතයින් නොවන බවයි.