හිටපු අමාත්‍ය රිෂාඩ් බදියුද්දීන්ගේ නිවසේදී පිලිස්සීමට ලක්ව පසුව කොළඹ ජාතික රෝහලේදී මියගිය අවරුදු 16ක දැරිය සම්බන්ධයෙන් ලිංගික ප්‍රවේශයක් සිදුව ඇති බවට පශ්චාත් මරණ පරීක්ෂණ වාර්තාවේ සඳහන් බව පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි.
මෙලෙස ඇය ඇය කාලයක් පුරාවට අපයෝජනයට ලක්ව ඇති බව මරණ පරීක්ෂණයේදී තහවුරු වී තිබෙනවා.
මියගිය දැරිය හැටන් ප්‍රදේශයේ පදිංචිකාරියක වන අතර බදියුදීන්ගේ නිවසේ සේවයට පැමිණෙන විට ඇයගේ වයස අවුරුදු 15 මාස 11 ක් බවයි පැවසෙන්නේ.
ඇයගේ භූමිතෙල් වත්කර ගිනි තැබීමක් සිදුව ඇති නමුත් මරණයට හේතුව කුමක්ද යන්න මේ දක්වා සිදුකළ පරීක්ෂණවලදී අනාවරණය වී නොමැති බවයි පැවසෙන්නේ.
මේ පිළිබඳව බොරැල්ල පොලීසිය හා කොළඹ දකුණු ළමා හා කාන්තා කාර්යාංශය තවදුරටත් පරීක්ෂණ පවත්වන බවත් දැරියගේ මව හා අමාත්‍ය රිෂාඩ් බදියුද්දීන්ගේ බිරිඳගේ පියාගෙන් මේ පිළිබඳව වැඩිදුර ප්‍රකාශ ලබාගැනීමට නියමිත බවත් අජිත් රෝහණ මහතා පවසනවා.
