ඉදිරි දින කිහිපය තුළ ඇෆ්ගනිස්තානයේ නාගරික ප්‍රදේශවල දරුණු ගැටුම් ඇතිවීමේ අවදානමක් ඇතැයි එරට සිටින ඇමරිකානු හමුදාවේ ප්‍රධානී ජනරාල් කෙනෙත් මැකන්සි පවසයි.
ඔහු සදහන් කරන්නේ මේ දිනවල පවතින ඉස්ලාම් නිවාඩු සමය අවසන්වත්ම මේ වනවිට බොහෝ ග්‍රාමීය ප්‍රදේශවල බලය තහවුරු කරගෙන සිටින තලේබාන් සාමාජිකයන් නාගරික ප්‍රදේශවලට සිය සටන් ව්‍යාප්ත කරනු ඇති බවයි.
මේ අතර ඇෆ්ගනිස්තාන හමුදාවට සහය පිණිස ගුවන් ප්‍රහාර එල්ල කිරීමට තීරණය කර ඇති බව ද ඔහු අනාවරණය කර ඇත.
දැනටමත් එවැනි ප්‍රහාර කිහිපයක් එල්ල කර ඇති බව සදහන් කළ ඔහු වැඩිදුරටත් කියාසිටියේ ඉදිරි දිනවල ද තලේබාන් ඉලක්ක වෙත ඇමරිකානු ගුවන් ප්‍රහාර එල්ල කරන බවයි.
කෙසේවෙතත් සැප්තැම්බර් මාසයේ ඇමරිකානු හමුදා සම්පූර්ණයෙන්ම ඇෆ්ගනිස්තානයෙන් ඉවත්ව යාමෙන් පසුවද ඇෆ්ගනිස්තාන හමුදා වෙත අඛණ්ඩව ගුවන් ප්‍රහාරවල සහය ලබාදෙන්නේදැයි මාධ්‍ය විමසූ පැනයකට ජෙනරාල් මැකන්සි පිලිතුරු නොදුන් බවද විදෙස් මාධ්‍ය වාර්තා වල සදහන් වේ.
