වෛද්යවරුන්ගේ තරයේ අවවාදය අනුව අද දිනයේදී තමන් කොවිඩ් 19 එන්නත ලබාගත් බව සමගි ජනබලවේගයේ නායක, විපක්ෂනායක සජිත් ප්රේමදාස මහතා පවසනවා.
සිය ෆේස්බුක් ගිණුමේ සටහනක් තබමින් විපක්ෂ නායකවරයා පවසන්නේ කොවිඩ් එන්නත ලබාගැනීමට අපොහොසත් වුවහොත් නැවත එම රෝගය වැලඳිය හැකි අතර එය මාරාන්තික වියහැකි බවට තමාට කොවිඩ් ආසාදිතව සිටියදී ප්රතිකාර කළ වෛද්යවරුන් තමාට තරයේ අවවාද කළ බවයි.
මීට මාස පහකට පමණ පෙර මන්ත්රීවරුන් සඳහා කොවිඩ් එන්නත් නිකුත් කළ අවස්ථාවේදී ඒ මහතා එන්නත ලබා නොගත්තේ සාමාන්ය ජනතාවට කොවිඩ් එන්නත් ලබාදීමට පෙර පාර්ලිමේන්තු මන්ත්රීවරුන් සඳහා විශේෂ ප්රමුඛතාවයක් ලබාදීම සම්බන්න්දයෙන් විරෝධතාවය පලකරමින් ය.
මෙරට සියලු ජනතාවට එන්නත ලබා දෙන තුරු තමන් එන්නත ලබා නොගන්නා බවට ඔහු ප්රකාශ කළ නමුත් වෛද්යවරුන්ගේ උපදෙස් මත එන්නත ලබා ගැනීමට යොමුවූ බවයි සිය ට්විටර් පණිවිඩය හරහා ඔහු පවසන්නේ.
මට කොවිඩ් සඳහා ප්රතිකාර කළ වෛද්යවරුන්ගේ දැඩි උපදෙස් මත මම අද එන්නත ලබා ගැනීමට කටයුතු කළෙමි. එන්නත ලබා ගැනීමට අපොහොසත් වුවහොත් නැවත කොවිඩ් රෝගය වැළඳිය හැකි බවත් එය මාරාන්තික විය හැකි බවත් වෛද්යවරු මට තරයේ අවවාද කළහ. මගේ වර්තමාන සෞඛ්ය තත්ත්වය අනුව මම ඔවුන්ගේ නියමයට එකඟ වූයෙමි.
— Sajith Premadasa (@sajithpremadasa) August 3, 2021