ඇෆ්ගනිස්තානයේ හෙල්මාන්ඩ් පළාතේදී ඇමරිකානු හමුදා එල්ල කළ ගුවන් ප්රහාරයකින් තලේබාන් සාමාජිකයන් 40 දෙනෙකු පමණ මියගොස් ඇතැයි වාර්තා වේ.
හෙල්මාන්ඩ් පළාතේ අගනුවර වන ලක්ෂාර්ගාහි බන්ධනාගාරය ඉලක්ක කරගෙන තලේබාන් ප්රහාරයක් එල්ල වූ අවස්ථාවේ එය මැඩලීම සදහා ඇමරිකානු හමුදා මෙලෙස ගුවන් ප්රහාර එල්ල කර ඇතැයි සදහන් වේ.
ලක්ෂාර්ගා නගරය අල්ලා ගැනීම සදහා මේ වනවිට තලේබාන් සංවිධානය ප්රහාර එල්ල කරමින් සිටින අතර ඇෆ්ගනිස්තාන ආරක්ෂක හමුදා ඔවුන්ට එරෙහිව ප්රතිප්රහාර එල්ල කරමින් සිටියි.
ඇමරිකානු හමුදා ඇෆ්ගනිස්තානයෙන් ඉවත්වයාමේ අවසන් අදියරේ පසුවුවද ත්රස්තවාදී ක්රියා මැඩලීම සදහා සහය දෙන බව ප්රකාශ කර තිබේ.
ඇෆ්ගනිස්තානයේ ඇමරිකානු හමුදා ප්රධානී ජනරාල් කෙනත් මැකන්සි සදහන් කරන්නේ ත්රස්තවාදී ක්රියාකාරකම් මැඩලීම සදහා තමන් අඛණ්ඩව ගුවන් සහය ලබාදෙන බවයි.