මහරගම ඇරැව්වල ධර්මපාල විද්‍යාලයේ සිසුවෙකුට වායු රයිෆලයකින් වෙඩි තැබීම හේතුවෙන් අත්අඩංගුවට ගත් වෛද්‍යවරයා රිමාන්ඩ් බන්ධනාගාර ගත කිරීමට නුගේගොඩ මහේස්ත්‍රාත් ප්‍රසන්න ද අල්විස් මහතා නියෝග කර තිබුණි.
නොවැම්බර් 23 වන දින අදාල නියෝගය කර තිබුණු අතර ලබන මස 02 වැනිදා දක්වා මෙලෙස රිමාන්ඩ් බන්ධනාගාර ගත කිරීමට නියෝග කර ඇත.
සිසුවාට වෙඩි තබා ඇත්තේ තාරක ප්‍රියජීව ඇල්විටිගල නැමැති මහරගම අපේක්ෂා රෝහලේ සේවය කරන වෛද්‍යවරයෙකි.
වායු රයිෆල වෙඩි ප්‍රහාරයට ලක් වූ සිසුවා මේ වනවිට කලුබෝවිල ශික්ෂණ රෝහලට ඇතුළත් කර එහි ප්‍රතිකාර ලබන බව වාර්තා වේ.
අදාල සිසුවා සහ තවත් සිසුන් පිරිසක් පාසල් ක්‍රීඩා පිටියේ ක්‍රීඩා කරමින් සිටියදී පන්දුව යාබදව පිහිටි වෛද්‍යවරයාගේ ඉඩමට ගොස් ඇති අතර එම අවස්ථාවේදී වෛද්‍යවරයා සහ සිසුන් පිරිස අතර ඇතිවු නොසන්සුන්තාව නිසා වෛද්‍යවරයා පසුව පැමිණ ක්‍රීඩාංගණයේ තාප්පයක වාඩි වී සිටි සිසුවාගේ පපුවට වායු රයිෆලයෙන් වෙඩි තබා ඇත.
