රජය බදු ඉවත් කළත් කිරිපිටි ආනයනය කිරීමට හැකියාවක් නොමැති බව කිරිපිටි ආනයනකරුවන්ගේ සංගමය පවසනවා.
එම සංගමය සඳහන් කරන්නේ කිරිපිටි සඳහා වන බද්ද රජයෙන් ඉවත් කළද ඉන් පියවා ගත හැකි පාඩුව රුපියල් 100 ක් පමණක් වන බවයි.
ආනයනික කිරිපිටි මත වන බද්ද ඉවත් කළද එක් කිරිපිටි කිලෝවකින් තවදුරටත් රුපියල් 200 ක පමණ පාඩුවක් සිදුවන බව ඔවුන් පෙන්වා දෙනවා.
කිරිපිටි ආනයනකරුවන්ගේ එකමුතුවේ සාමාජික ලක්ෂ්මන් වීරසූරිය ප්‍රකාශ කරන්නේ මෙම තත්ත්වය මත අවම වශයෙන් කිරිපිටි කිලෝවක මිල රුපියල් 200 කින් වැඩි කිරීම අත්‍යාවශ්‍ය බවයි.
