තායිවානයයේ රාජ්‍ය තාන්ත්‍රික නියෝජිත කාර්යාලයක් පිහිටුවීමට ඉඩලබාදීම සම්බන්ධයෙන් ලිතුවේනියාව ගත් තීරණයට ඇමරිකාව සිය සහය පළකර තිබේ.
විදෙස් මාධ්‍ය වාර්තා කරන්නේ ලිතුවේනියාවේ විදේශ අමාත්‍ය ග්‍රේබිලියුස් ලැන්ඩ්ස්බර්ගිස් ඇමතූ ඇමතූ ඇමරිකානු නියෝජ්‍ය රාජ්‍ය ලේකම් වෙන්ඩි ෂර්මන් ලිතුවෙිනියාවෙි විදේශ ප්‍රතිපත්තිය සමිබන්ධයෙන් සිය සහය පළකළ බවයි.
පැරණි සෝවියට් දේශයේ සාමාජිකයෙකු වූ බෝල්කන් කලාපයේ පිහිටි ලිතුවේනියාව පසුගියදා තායිවානයේ රාජ්‍ය නියෝජිත කාර්යාලයක් සිය රට තුළ ස්ථාපිත කරන්නට අවස්ථාව සැලසීය.
මේ සම්බන්ධයෙන් චීනය සිය දැඩි විරෝධය පළකළ අතර අදාළ තීරණය ක්‍රියාත්මක වුවහොත් තම තානාපති නියෝජිතයා ලිතුවේනියාවෙන් ඉවත් කරගන්නා බවට ද ප්‍රකාශ කළේය.
කෙසේවෙතත් චීනයේ විරෝධය නොතකා ලිතුවේනියාව තායිවාන රාජ්‍ය නියෝජිත කාර්යාලයක් විල්නිස් අගනුවර ස්ථාපිත කිරීමට ඉඩ ලබාදුන් අතර එහි ප්‍රතිඵලයක් ලෙස චීනය තම නියෝජිතයා ලිතුවේනියාවෙන් ඉවත් කර ගැනිණ.
මෙම පසුබිම තුළ ඇමරිකාව නේටෝ රාජ්‍යයක් ලෙස ලිතුවේනියාවට අවශ්‍ය ඕනෑම සහයක් ලබා දෙන බවට සහතික වී ඇති අතර එරට විදේශ ප්‍රතිපත්තිය අගය කිරීමට ලක් කර ඇතැයිද සදහන් වේ.
