අධිකරණ තීන්දු ඉංග්‍රීසි භාෂාවෙන් පමණක් ලබාදීම පිළිබදව අද (17) පාර්ලිමේන්තුවේදී විවේචනයට ලක්වුණා.
මෙහිදී අදහස් දක්වමින් ශ්‍රී ලංකා පොදුජන පෙරමුණේ ජාතික ලැයිස්තු මන්ත්‍රී ගෙවිදු කුමාරතුංග මහතා පැවසුවේ වැදගත් නඩු තීන්දු ඉංග්‍රීසි භාෂාවෙන් පමණක් ලබාදීම ආණ්ඩුක්‍ර ව්‍යවස්ථාව උල්ලංඝණය කිරීමක් සහ මන්ත්‍රීවරුන්ගේ වරප්‍රසාද කඩකිරීමක් බවයි.
වරාය නගර ආර්ථික කොමිෂන් සභා පනත, 20 වන ආණ්ඩුක්‍රම ව්‍යවස්ථ සංශෝධනය සම්බන්ධ අධිකරණ තීන්දුව වැනි වැදගත් නඩු තීන්දුද ඉංග්‍රීසි භාෂාවෙන් පමණක් ලබාදී ඇති බව ඔහු මෙහිදී පෙන්වා දෙනු ලැබූවා.
මේ කරුණ පිළිබදව අවස්ථා කිහිපයකදීම අධිකරණ අමාත්‍යවරයාට දන්වා ඇතත් ඔහු ඒ සම්බන්ධයෙන් ක්‍රියා නොකරන බව ගෙවිදු කුමාරතුංග මහතා පවසා සිටියා.
මේ සම්බන්ධයෙන් අදහස් දක්වමින් සමගි ජනබලවේගය පක්ෂයේ පාර්ලිමේන්තු මන්ත්‍රී හේෂා විතානගේ මහතාද සදහන් කළේ 2019 කොරෝනා වෛරසය පිළිබදව තාවකාලික විධිවිධාන පනතද ඉදිරිපත් කර ඇත්තේ ඉංග්‍රීසි භාෂාවෙන් පමණක් බවයි.
අධිකරණ අමාත්‍යවරයා කොරෝනා වසංගතය තුළද ගේම් ගසමින් සිටින බවට මෙහිදී චෝදනා එල්ල වුණා.
