වත්මන් රජය ‘නාඩගම්’ රාශියක් නටමින් සිටින බව ජනසෙත පෙරමුණේ නායක පූජ්‍ය බත්තරමුල්ලේ සීලරතන හිමියන් පවසනවා.
පෙරේදා (16) දින මාධ්‍ය අමතමින් උන්වහන්සේ පෙන්වා දෙන්නේ කොරෝනා නිට්ටාවට සුවකරන්නැයි පවසා කැබිනට් සංශෝධනයක් කර ඇති බවයි.
මෙහිදී වැඩිදුරටත් අදහස් දැක්වූ උන්වහන්සේ,
“කැබිනට්ටුවක් පත්කරනකොට ඒ ඇමතිවරුන්ට අඩුම තරමෙ වසර 5ක සේවා කාලය දිය යුතුයි. කෙහෙළිය රඹුක්වැල්ල සෞඛ්‍ය අමාත්‍ය. පවිත්‍රා වන්නිආරච්චි දොට්ට.
කොරෝනා එන්නත් දෙක විදගත්තට පස්සෙ රට දෙයියන්ට භාර කළ අමාත්‍යවරයා දැන් සෞඛ්‍ය අමාත්‍යංශය භාරගත්තා. පවිත්‍රා මොනදේ කරත් ලස්සනට වැඩේ කරගෙන ආවා.
දැන් ජේවීපී එක, සමගි ජනබලවේගය, පෙරටුගාමීන්න් සහ වෘත්තීය සමිති කෑගහනවා මේ රට ලොක්ඩවුන් කරන්න කියලා. තොපිට මතක් උනේ දැන්ද? එපා කියද්දි විශාල උද්ගෝෂණ ගෙනත් රටේ කොරෝනා වෛරාසය වැඩි කරා. දැන් බොරුවට රට වහන්න කියන තමුන්නාන්සෙලාගේ කටවල් වලට දාන්න තියෙන්නේ ගොම්බෙටි නෙවෙයි අනිත් දේවල්.”
