ඇෆ්ගනිස්තානයේ කාබුල් ගුවන් තොටුපල මාර්ගයේ රැදී සිටි සාමාන්‍ය වැසියන් වෙඩි තබා පළවා හැරීමට තලේබාන් සාමාජිකයන් කටයුතු කර තිබේ.
විදෙස් මාධ්‍ය වාර්තා කරන්නේ සාමාන්‍ය වැසියන් පළවා හැරීම සදහා තලේබාන්වරුන් කස පහර, වෙිවැල් පහර මෙන්ම බැටන් ප්‍රහාර ද එල්ල කර ඇති බවයි.
මෙහිදී කාන්තාවන්, ළමුන් ඇතුළු පිරිසක් තුවාල ලබා ඇති බව ද විදෙස් මාධ්‍ය වාර්තා කර තිබේ.
තලේබාන් සංවිධානය කාබුල් නගරය අල්ලා ගැනීමත් සමගම දහස් සංඛ්‍යාත ජනකායක් ඇෆ්ගනිස්තානයෙන් පිටවීම සදහා එරට ගුවන් තොටුපල ආසන්නේ රැදී සිටිති.
කාබුල් ගුවන් තොටුපලෙන් පිටත් වූ ඇමරිකානු යානයක පිටතින් එල්ලී ගමන් ගත් පුද්ගලයන් තිදෙනෙකු ඉන් ඇද වැටී මියයාමේ අවාසනාවන්ත සිදුවීමක් ද මීට දින කිහිපයකට පෙර වාර්තා විය.
ගුවන් යානාවලට ගොඩවීමේදී ඇතිවූ තෙරපීම් සහ තත්වය පාලනය කිරීම සදහා සිදුකළ වෙඩි තැබීම් හේතුවෙන් මියගිය පුද්ගලයන් සංඛ්‍යාව ද නවයක් පමණ වෙතැයි විදෙස් මාධ්‍ය වාර්තා කර තිබේ.
