කොවිඩ් 19 වෛරසය ආසාදනය වීමෙන් අනතුරුව කොළඹ නවලෝක රෝහලේ නේවාසික ප්රතිකාර ලබමින් සිටි ජිප්සීස් සංගීත කණ්ඩායමේ නායක සුනිල් පෙරේරා මහතා මේ වන විට සම්පූර්ණ සුවය ලබා තිබෙනවා.
සුවය ලැබූ ඒ මහතා මේ වන විට රෝහලෙන් පිටව ගොස් සිය නිවසේ විවේකයෙන් කාලය ගත කරන බව ඔහුගේ පුත් ගයාන් පෙරේරා මහතා සදහන් කළා.
ඔහු සදහන් කරන්නේ සිය පියාට ඉක්මන් සුවය පැතූ සියලුම දෙනාට හදවතින්ම ස්තූතිවන්ත වන බවයි.
කෙසේ වෙතත් සුනිල් පෙරේරා මහතා කොවිඩ් ආසාදිතව රෝහල් ගතවී සිටින කාලය තුළ ඔහු සම්බන්ධයෙන් විවිධ කටකතා පැතිර ගියා.
ඉන් එක් කටකතාවක කියැවුණේ සුනිල් පෙරේරා මහතා කොවිඩ් ආසාදිතව ජීවිතක්ෂයට පත්වූ බවයි.
එම අවස්ථාවේදී බොහෝ කලාකරුවන් ඊට මැදිහත්වී මෙවැනි අසත්ය ප්රචාර සිදුකර පුද්ගල චරිතවලට හානි නොකරන ලෙසට සමාජ මාධ්ය ක්රියාකරුවන්ගෙන් ඉල්ලා සිටියා.