නිදහස් ටිබෙටය සහ තවත් සංවිධාන කිහිපයක් එක්ව ලන්ඩනයේ පිහිටි චීන තානාපති කාර්යාලය ඉදිරිපිට විරෝධතාවයක් පවත්වා තිබේ.
බලහත්කාරයෙන් අතුරුදන් කිරීම්වලට ලක්වූවන්ගේ දිනයට සමගාමීව මෙම උද්ඝෝෂණය පවත්වා ඇති බව විදෙස් වාර්තා සදහන් කරයි.
උද්ඝෝෂණයට එක්ව සිටි පිරිස සදහන් කළේ චීන බලධාරීන් ටිබෙටය තුළ සිදුව ඇති බලහත්කාරී අතුරුදන් කිරීම් රැසකට වගකිව යුුතු බවයි.
ටිබෙටය තුළ බලහත්කාරී පුද්ගල අතුරුදන්වීම් සහ පැහැරගෙනයාම් තවමත් ක්රමානුකූලව සිදුවන බවට ද ඔවුහු මෙහිදී චෝදනා කළහ.
චීනය විසින් ටිබෙටය ආක්රමණය කිරීමත් සමග ටිබෙට් ජාතිකයන් විශාල පිරිසක් එරටින් පළාගිය අතර මේ වන විට එක්ලක්ෂ පනස් දහසකට අධික ටිබෙට් වැසියන් පිරිසක් ලොව පුරා රටවල් 25කට අධික සංඛ්යාවක විසිරී ජීවත් වෙති.
ටිබෙටයේ ජීවත්වන පිරිස චීනය විසින් දැඩි මර්දනකාරී පාලනයකට යටත් කොට ඇති බවට චෝදනා එල්ල වී තිබේ.