මේ දිනවල බ්‍රිතාන්‍යයේ සංචාරයක නිරත පකිස්තාන විදේශ අමාත්‍ය ෂා මොහොමඩ් කුරේසිට විරෝධතා ව්‍යාපාර රැසකට මුහුණදීම‍ට සිදුව ඇති බව වාර්තාවේ.
විදෙස් මාධ්‍ය වාර්තා කළේ බලුච්, සින්ද් ඇතුලු පකිස්තාන ඩයස්පෝරාවත් තවත් ක්‍රියාකාරිකයන් රැසකුත් මෙම විරෝධතා සංවිධානය කර තිබූ බවයි.
පකිස්තානයේ සිදුවන බලහත්කාරි අතුරැදන්වීම්, ඝාතන සහ පැහැරගැනීම් ඇතුළු මානව හිමිකම් උල්ලංඝනයවීම්වලට එරෙහිව මෙම විරෝධතා ව්‍යාපාර සංවිධානය කර තිබිණ.
පකිස්තානය දිගින් දිගටම ත්‍රස්තාවදයට සහය පළකරමින් මානව හිමිකම් විරෝධී හැසිරීමක නිරත වන හෙයින් එරටට ආධාර සැපයීම නතර කරන ලෙසද විරෝධතාකරුවෝ මෙහිදී ඉල්ලා සිටියහ.
