රජයේ හෙද නිලධාරින්ගේ සංගමය අතුළු සෞඛ්‍ය සේවා වෘත්තීය සමිති කිහිපයක් අද (08) දිනයේ වෘත්තිය සමිති ක්‍රියාමාර්ගයක් ආරම්භ කරනු ලැබුවා.
කෙසේ නමුත් එය පුහු වැඩවර්ජනක් බවත් එවැනි වර්ජන වලට සහය නොදෙන බවත් රාජ්‍ය සේවා එක්සත් හෙද සංගමයේ සභාපති පූජ්‍ය මුරුත්තෙට්ටුවේ ආනන්ද ස්වාමීන් වහන්සේ අවධාරණය කර සිටිනවා.
ඒ, අද (08) උදෑසන නාරාහේන්පිට අභයාරාමයේදී පැවති මාධ්‍ය හමුවේදීයි.
මෙවැනි වැඩවර්ජන සිදුකරන්නේ ඇතැම් වෘත්තීය සමිති නායකයින්ගේ පැවැත්ම වෙනුවෙන් බවත් වෘත්තීය අයිතිවාසිකම් දිනාගැනීම වෙනුවෙන් දැනටමත් අවශ්‍ය දෑ සාකච්ජා කරමින් ඇති බවත් උන්වහන්සේ පවසනවා.
හෙද කාර්ය මණ්ඩලයේ අවස්ථාවාදීන් කිහිපදෙනෙක් මෙම වර්ජනයට සම්බන්ධ වී ඇති නමුත් එය රෝහල් කටයුතු වලට බාධාවක් නොවන බව‍යි උන්වහන්සේ පෙන්වා දෙන්නේ.
