දූෂණ වංචාවක් හේතුවෙන් ඇති වූ පීඩනයට ප්‍රතිචාරයක් වශයෙන් ඔස්ට්රියානු චාන්සලර් සෙබස්තියන් කර්ස් සිය ධුරයෙන් ඉල්ලා අස්වූ බව වාර්තා වනවා.
පුරපාඩු වන සිය තනතුර වෙනුවෙන් විදේශ ඇමති ඇලෙක්සැන්ඩර් ෂැලන්බර්ග් ගේ නම ඔහු යෝජනා කර තිබෙනවා.
තමාගේ ප්‍රතිරූපය නංවාලීම උදෙසා පුවත්පතක ලිපි පලකරගැනීමට රජයේ මුදල් භාවිතා කළ බවට ඔහුට චෝදනා එල්ල වූ අතර කුර්ස් තවදුරටත් චාන්සලර් තනතුරට සුදුසු නැතැයි චෝදනා මතුවීමත් සමඟ ඔහුගේ හවුල් ආණ්ඩුව බිඳවැටීමේ අවදානමක් ඇති විය.
කර්ස්ට ධුරයෙන් ඉවත් වන්නැයි විපක්ෂයේ නායකයන් ඉල්ලා සිටි අතර අඟහරුවාදා ඔහුට එරෙහිව විශ්වාසභංග යෝජනාවක් පාර්ලිමේන්තුවට ගෙන ඒමට සැලසුම් කර තිබුණි.
කුර්ස් 2017 මැයි මාසයේදී ඔස්ටියන් මහජන පක්ෂයේ නායකයා බවට පත් වූ අතර එම වසර අවසානයේ පැවති මැතිවරණ වලදී තම පක්ෂය ජයග්රහණය කරා ගෙන යන ලදි. වයස අවුරුදු 31 දී, ලොව ප්රජාතන්ත්රවාදීව තේරී පත් වූ ලාබාලතම රාජ්ය නායකයන් ගොන්නට එක්වීමට ඔහුට හැකි විය.
