ගොවීන්ට අවශ්‍ය පොහොර ලබාදීමට රජය අපොහොසත් වීම හේතුවෙන් තමාට ඉදිරියේදී ගමටවත් යාගත නොහැකි තත්ත්වයක් උද්ගත විය හැකි බවයි හිටපු ජනාධිපති මෛත්‍රීපාල සිරිසේන මහතා පෙන්වා දෙනවා.
ඒ, ඊයේ පැවති හිටපු අග්‍රාමාත්‍ය සිරිමාවෝ බණ්ඩාරනායක මහත්මියගේ 21 වැනි ගුණානුස්මරණ උත්සවයට සහභාගී වෙමින්.
මෑත ඉතිහාසයේ මෙරට ගොවියා මුහුණ දෙන දැවැන්තම ඛේදවාචකය පොහොර අර්බුදයට බවත් අද වනවිට ගොවීන් දැඩි පීඩනයට ලක්ව සිටින බවත් ඒ මහතා පවසනවා.
“අද කෘෂිකර්මාන්තය දැවැන්ත අවුලක. ගොවියා යන එන මං නැති තත්වයට වැටිලා. මම හිතන්නේ මෑත ඉතිහාසයේ කෘෂිකර්මාන්තයේ ලොකුම ඛේදවාචකය මේ දැන් සිදුවෙමින් පවතිනවා. තව ටිකදවසක් යනකොට මටත් පොළොන්නරු යන්න වෙයිද දන්නෑ. ඒ තැනට ගොවීන් ආවේගශීලී වෙලා.
මේ ඩොලර් ප්‍රශ්නය සම්පූර්ණයෙන්ම විදේශ වත්කම් වැරදි කළමනාකරණය නිසා. තමන්ගේ හිතවතුන්, නොයෙකුත් ව්‍යාපාර කරන අය සතුටු කරන්න, රටට හෙන ගැහුවත් කමක් නෑ කියලා විදේශ වත්කම් කාබාසිනියා කිරීම 77′ ඉඳන් විවෘත ආර්ථිකයේ අතුරු ප්‍රතිඵල තමයි අද මේ විඳින්නේ මේ රටේ ජනතාව.” යැයි ඒ මහතා පවසනවා.
