ඇෆ්ගනිස්තාන පකිස්තාන දේශසීමාව ත්‍රස්තවාදී කේන්ද්‍රයක් බවට පත්ව ලොව භයානකම දේශසීමාව වී ඇතැයි අන්තර්ජාතික ආරක්ෂක විශ්ලේෂකයන් පිරිසක් පෙන්වා දී තිබේ.
විදෙස් වාර්තා සදහන් කළේ පකිස්තානය ඇෆ්ගනිස්තානයේ තලේබාන් පාලනයට තවදුරටත් සහය පළකිරීම හේතුවෙන් මෙම තත්වය උග්‍ර වෙමින් ඇති බවයි.
මෙම දේශසීමාව ආශ්‍රිතව ත්‍රස්තාවාදීන් සංවිධානගතවීම මෙන්ම ප්‍රහාර සැලසුම් කිරීම ආදිය බහුලව සිදුවෙමින් ඇති බව ද අදාළ වාර්තා වැඩිදුරටත් සදහන් කරයි.
විශේෂයෙන් ඇෆ්ගනිස්තානයේ සහ පකිස්තානයේ ජීවත්වන සුලු ආගමික සහ වාර්ගික කණ්ඩායම් ඉලක්ක කරගෙන මරාගෙන මැරෙන ප්‍රහාර ඇතුළු ත්‍රස්තවාදී ක්‍රියා සිදුවන්නේ මෙම කලාපය පදනම් කරගෙන බව ද අදාළ අන්තර්ජාතික ආරක්ෂක විශ්ලේෂකයන් වැඩිදුරටත් පෙන්වා දී තිබේ.
