එළඹෙන 2022 සීත සෘතු ඔලිම්පික් උළෙල චීනයේදී නොපවත්වන ලෙස සදහන් කරමින් උද්ඝෝෂණයක් ග්‍රීසියේ දී පවත්වා තිබේ.
ග්‍රීසියේ ඇතැන්ස් නුවර පිහිටි ඔලිම්පික් පුරා විද්‍යාත්මක භූමියේ ස්ථාපිත කර තිබූ 2022 සීත සෘතු ඔලිම්පික් උළෙලට අදාළ පුවරු කඩා බිද දැමීම හේතුවෙන් උද්ඝෝෂකයන් පිරිසක් අත්අඩංගුවට ගත් බව ද විදෙස් වාර්තාවල දැක්වේ.
චීනය විසින් උයිගුර්, ටි‍බෙට් සහ හොංකොංහි සිදුකරන මානව හිමිකම් උල්ලංඝණය කිරීම්වලට එරෙහිව එම ජාතීන්ට සම්බන්ධ පිරිසක් විසින් මෙම උද්ඝෝෂණය පවත්වා තිබේ.
විරෝධතාකරුවන් මෙහිදී සදහන් කළේ චීනයේ මානව හිමිකම් විරෝධී ක්‍රියාකාරකම් නිසා මෙම උළෙල වර්ජනය කිරීමට ද සෙසු රටවල් කටයුතු කළ යුතු බවයි.
