මෙවර T20 ලෝක කුසලානය ආරම්භයේ දී ශ්‍රී ලංකා කණ්ඩායම අවතක්සේරු කරමින් අදහස් පළකර තිබූ නෙදර්ලන්ත කණ්ඩායමේ නායකයාට මතක සිටින පාඩමක් ඉගැන්වීමට ශ්‍රී ලංකා කණ්ඩායම අද සමත් වුණා.
ඒ මෙවර T20 ලෝක කුසලානයේ සුදුසුකම් ලැබීමේ වටයේ අවසන් තරගයේදී නෙදර්ලන්ත කණ්ඩායම කඩුලු 08කින් පහසුවෙන් පරාජයට පත්කරමින්.
මෙහිදි ප්‍රථමයෙන් පන්දුවන පහරදුන් නෙදර්ලන්ත කණ්ඩායම පන්දුවාර 10ක් තුළ ලකුණු 44 කට සීමා කිරීමට ශ්‍රී ලංකා පන්දු බලඇණිය සමත්වූ අතර එය සටහන් වූයේ T20 ලෝක කුසලාන තරඟයකදී කණ්ඩායමක් ලබාගත් දෙවන අඩුම ලකුණු සංඛ්‍යාව ලෙසයි.
මීට පෙර 2014 වර්ෂයේ T20 ලෝක කුසලාන තරඟාවලියේදී ද නෙදර්ලන්ත කණ්ඩායම ශ්‍රී ලංකාව හමුවේ ලකුණු 39 කට සියලු ක්‍රීඩකයින් දැවී ගොස් තිබුණා.
පන්දු යැවීමේදී ශ්‍රී ලංකා කණ්ඩායම වෙනුවෙන් යළිත් සාර්ථක වූ මහීෂ් තීක්ෂණ තරඟයේ තුන්වන පන්දුවාරයේදී ලකුණු 03 පමණක් ලබා දෙමින් ලබාදෙමිනි කඩුලු දෙකක් බිද හෙලිමට සමත් වුනා.
එමෙන්ම පන්දු වාර තුනක් යොමු කළ යොමුකළ වනිදු හසරංග එම පන්දුව 03 තුළදී ලකුණු 09ක් පමණක් ලබාදී කඩුලු 03ක් බිඳහෙළමින් කැපී පෙනන දක්ෂතාවයක් දැක්වූවා.
කලක පටන් පැවති වැරදි ඉතා හොඳින් හඳුනා ගනිමින් කැපී පෙනෙන දියුණුවක් පෙන්වන වේග පන්දු යවන ක්‍රීඩක ලහිරු කුමාර පන්දුවාර 03ක් තුළ ලකුණු 07කට කඩුලු 03ක් බිඳ හෙළුවේ එක් නිලකුණු පන්දු වාරයක් ද සමගින්.
ඔහු විසින් යොමු කළ තරගයෙන් 10 වන පන්දුවාරය එම නිලකුණු පන්දුවාරය ලෙස සටහන් වූ අතර ඔහු ලබා ගත් කඩුලු ත්‍රිත්වයද එම පන්දුවාරය තුළදීම ලබා ගැනීම විශේෂත්වයක්.
ලකුණු 45ක පහසු ජයග්‍රාහී ඉලක්කයක් හඹා ගිය ශ්‍රී ලංකා කණ්ඩායම කඩුලු 02 පමණක් දැවී එම ඉලක්කය සපුරා ගත්තේ පන්දුවාර 07 පමණක් වැය කරමින්.
පන්දුවට පහර පහරදීමේදී ආරම්භක පිතිකරු කුසල් ජනිත් පන්දු 24ක් තුළ ලකුණු 33ක් ලබාගත්තේ හතරේ පහර 06ක්ද සමගින්.
ඒ අනුව කඩුලු 08ක පහසු ජයක් හිමිකරගත් ශ්‍රී ලංකා කණ්ඩායම A කාණ්ඩයේ ප්‍රමුඛයා ලෙස සුපිරි 12 දෙනාගේ වටයට පිවිසෙනු ඇතියි.
සුපිරි 12 දෙනාගේ වටයේ ශ්‍රී ලංකාව සහභාගි වන පළමු තරගය එළඹෙන ඉරිදා (24) බංග්ලාදේශය සමගින් සාජා ක්‍රීඩාංගණයේදී පැවැත්වීමට නියමිතයි.
