සිය රැකියා අහිමිවීම හේතුවෙන් ඇෆ්ගනිස්තානයේ කාන්තාවන් විශාල පිරිසක් සිගමනට පත්ව ඇතැයි වාර්තා වේ.
එරට මාධ්‍ය වාර්තා කරන්නේ මීට පෙර විවිධ රැකියාවල නිරත වූ ඇෆ්ගනිස්තානයේ කාන්තාවන් සියගණනක් මේ වනවිට යාචකයන් ලෙස සිගමන් යදින බවයි.
තලේබාන් සංවිධානය බලය තහවුරු කර ගැනීමෙන් පසු ඇෆ්ගනිස්තානය තුළ කාන්තාවන්ට රැකියා කිරීමට ඇති අයිතිය අහෝසි කරනු ලැබ තිබේ.
මේ හේතුවෙන් රජයේ මෙන්ම පෞද්ගලික ආයතනවලද සේවය කළ ඇෆ්ගනිස්තාන කාන්තාවන් දහස් ගණනකට රැකියා අහිමිව ඇති බව පැවසේ.
මෙම කාන්තාවන්ගෙන් ඇතැමුන් තනිව සිය පවුල් නඩත්තු කළ අය බවත්, මේ නිසා ඔවුන්ට සිය පවුල් රැකබලා ගැනීම සදහා සිගමන් යැදීමට සිදුව ඇති බවත් එරට වාර්තා වැඩිදුරටත් සදහන් කරයි.
