චීන පොහොර සමාගමේ ඉල්ලීමට ශ්‍රී ලංකාව හා කියයි

මෙවර මහ කන්නය සඳහා චීනයේ ක්විංඩාඕ සීවින් බයෝටෙක් ගෘප් ලිමිටඩ් සමාගමෙන් ආනයනය කිරීමට නියමිත නයිට්‍රජන් කාබනික පොහොර සම්බන්ධයෙන් සිදුකළ සිව්වන පරීක්ෂණයෙන්ද ඒවා ප්‍රමිතියෙන් තොර බව තහවුරු විය.

කෙසේ නමුත්, ශ්‍රී ලංකාව වෙත කාබනික පොහොර නැව්ගත කළ චීනයේ Qingdao Seawin Biotech Group Co., Ltd සමාගම විසින් ලිපියක් මගින් කියා සිටියේ ශ්‍රී ලංකා බලධාරීන් විසින් හානිකර රෝග කාරක අඩංගු බවට එහි පොහොර තොගය ප්‍රතික්ෂේප කිරීමත් සමඟ ඇති වූ “වරදවා වටහාගැනීම්” තුරන් කිරීම සඳහා තුන්වන පාර්ශ්වයක් මගින් නැවත වරක් පොහොර සාම්පලයක් පරීක්ෂා කිරීමට ඔවුන් “දැඩි ලෙස” නිර්දේශ කරන බවයි.

NPQ Sri Lanka අයතනයට ඇතැම් පරීක්ෂණ ක්‍රමවේද සම්බන්ධව ඇති වැරදි අවබෝධය නිසා ඔවුන්ගේ නිෂ්පාදනය Erwinia මගින් අපවිත්‍ර වී ඇති බවට සැක කරන බවත් එබැවින් ගිවිසුම් ප්‍රකාරව තෙවන පාර්හවයක් වන Schutter Group මගින් නව නියැදියක් පරීක්ෂා කළ යුතු බවට ඔවුන් යෝජනා කර තිබුනා.

මේ වන විට එම ඉල්ලීමට කාබනික පොහොර නිෂ්පාදන, ප්‍රවර්ධන හා සැපයුම් නියාමන රාජ්‍ය අමාත්‍යංශය කැමැත්ත පලකර ඇති බවයි වාර්තා වන්නේ.

ඒ අදාල රාජ්‍ය අමාත්‍යවරයා, කෘෂිකර්ම අමාත්‍යාංශ ලේකම්වරයා, කෘෂිකර්ම අධ්‍යක්ෂ ජනරාල්වරයා සහ චීන තානාපතිවරයා අතර අද සිදුවූ හමුවීමකදීයි.