චීනයේ ජාතික ආරක්ෂාව උල්ලංඝනය කරන බවට සැලකෙන චිත්‍රපට තහනම් කිරීම සඳහා නව නීතියක් සම්මත කර ගැනීමට හොංකොං ව්‍යවස්ථාදායකය කටයුතු අර ඇති අතර මෙය හොංකොං භූමියේ ප්‍රකාශනයේ නිදහසට එල්ල වූ නවතම පහර බව විදෙස් මාධ්‍ය වාර්තා පෙන්වා දෙනවා.
නීතිය උල්ලංඝනය කිරීම සඳහා වන දඬුවමට, වසර 3 ක සිර දඬුවමක් සහ ඩොලර් 130,000 ක දඩ මුදලක් නියම කර ඇති බවයි සඳහන් වෙන්නේ.
මෙම නීති පිළිබඳ කණසල්ල පළ කරන විචාරකයින් පෙන්වා දී ඇත්තේ නව නීති සජීවි දේශීය චිත්‍රපට කර්මානතය යටපත් කිරීමට හේතු වනු ඇති බවයි.
චිත්‍රපට වාරණ නීතිය ව්‍යවස්ථාදායක සභාවේ දී අනුමත වී ඇත්තේ කිසිදු විපක්ෂ වීමකින් තොරවයි.
ජාතික ආරක්ෂාවට අනතුරක් විය හැකි ක්‍රියාකාරකම් අනුමත කිරීම, අනුබලදීම, උත්කර්ෂයට නැංවීම, දිරිගැන්වීම් කරන සහ උසිගන්වීම් කරන බව පෙනී ගියහොත් චිත්‍රපටය අවලංගු කිරීමේ බලය නගර පරිපාලනයේ දෙවැනි බලවත්ම පුද්ගලයා වන ප්‍රධාන ලේක්මවරයාට පැවරෙන අයුරින් නව නීති සම්ම්මත කර ගෙන තිබෙන බව වැඩිදුරටත් සඳහන් වෙනවා.
