ශ්‍රී ලංකාවේ ආර්ථික පුනර්ජීවනයට චීනයෙන් ලැබෙන අඛණ්ඩ සහය පිළිබඳ ප්‍රසාදය පළ කරන බව අග්‍රාමාත්‍ය මහින්ද රාජපක්ෂ මහතා පවසනවා.
අග්‍රාමාත්‍ය කාර්යාලය නිවේදනය කරන්නේ ඊයේ (27) අරලියගහ මන්දිරයේදී චීන තානාපති චී ෂෙන්හොන් මහතා සමඟ පැවැති හමුවකදී අග්‍රාමාත්‍ය මහින්ද රාජපක්ෂ මහතා මෙම අදහස් බලකල බවයි.
එහිදී ශ්‍රී ලංකාවේ කොවිඩ් මර්දන එන්නත්කරණ වැඩපිළිවෙලේ සාර්ථකත්වය පිළිබඳව චීන තානාපතිවරයා සුබ පැතැම් එක්කර ඇති අතර ඒ සඳහා චීන රජයේ අඛණ්ඩ සහය හිමිවන බව ද මෙහිදී සදහන් කර තිබෙනවා.
එමෙන්ම චීන මහජන බැංකුව සහ ශ්‍රී ලංකා මහ බැංකුව අතර චීන යුවාන් බිලියන 10ක ද්විපාර්ශවික මුදල් හුවමාරු ගිවිසුම ගෝලීය ආයෝජකයින්ගේ හැගීම් ශක්තිමත් කිරීමට හා ශ්‍රී ලංකා ආර්ථිකය කෙරෙහි විශ්වාසය වැඩි කිරීමට උපකාරි වනු ඇති බව චීන තානාපතිවරයා වැඩිදුරටත් සදහන් කර ඇති බවයි අග්‍රාමාත්‍ය මාධ්‍ය ඒකකය නිවේදනය කරන්නේ.
