ජනාධිපති ගෝඨාභය රාජපක්ෂ දිවයිනෙන් පිටත්ව ගොස් තිබෙනවා.
ඒ, ස්කොට්ලන්තයේ පැවැත්වෙන එක්සත් ජාතීන්ගේ දේශගුණික විපර්යාස පිළිබඳ සමුළුවට සහභාගී වීමටයි.
“දේශගුණික විපර්යාසයන්ට එරෙහි සටනේ තීරණාත්මක අවස්ථාව” යන මැයෙන් මෙම සමුළුව හෙට (31) සිට නොවැම්බර් 12 දක්වා පැවැත්වෙන්නේ දේශගුණික විපර්යාස සහ ඊට මුහුණ දෙමින් කටයුතු කිරීමට රටවල් සැලසුම් කරන ආකාරය පිළිබඳව සාකච්ඡා කිරීමටයි.
මෙම සමුළුවට ලොව පුරා රටවල් 197ක රාජ්‍ය නායකයන්, රාජ්‍ය නියෝජිතයන්, විද්වතුන්, ව්‍යාපාරිකයන් ඇතුළු ක්ෂේත්‍ර රැසක් නියෝජනය කරන 25,000 පමණ පිරිසක් සහභාගී වන අතර ලෝක නායකයන්ගේ සමුළුව සඳහා වෙන්කර ඇත්තේ නොවැම්බර් 01 සහ 02 යන දෙදිනයි.
