ඇෆ්ගනිස්තානයේ ISISK සංවිධානය හෙවත් කොරසන් පළාතේ ඉස්ලාමීය රාජ්‍ය සංවිධානය සිය අරමුණු පිළිබද භයානක හෙළිදරව්වක් සිදුකර තිබේ.
එම සංවිධානයේ ජ්‍යෙෂ්ඨ සාමාජිකයකු විදෙස් මාධ්‍ය වෙත පවසා ඇත්තේ ඉස්ලාම් දහමට සහ ශුද්ධ වූ කුරාණයට එරෙහිව යන සියල්ලන් තමන්ගේ කෝපයට ලක්වනු ඇති බවයි.
ඒ අනුව ඉස්ලාම් වටිනාකම් සහ ශරියා දහම ලෝකය පුරා ව්‍යාප්ත කිරීම තම අරමුණ බවද ඔහු සදහන් කර තිබේ.
මෙහිදී පකිස්තානය සහ තලේබාන් සංවිධානය තමන්ගේ සතුරන් ලෙස සළකන බව ද ISISK ප්‍රකාශකයා සදහන් කර ඇත.
ඔහු පවසන්නේ තලේබාන් සංවිධානය සැබෑ ඉස්ලාම් අනුගාමිකයන් නොවන බවයි.
මේ හේතුවෙන් තමන් මුලසිටම තලේබාන් සංවිධානයට එරෙහිව කටයුතු කළ බවත් ඔවුන්ට සහය දෙන පකිස්තානයට එරෙහිව පවා කටයුතු කරන බවත් ISISK සංවිධානය සදහන් කරයි.
