පෙර පැවති ආණ්ඩුව යටතේ ඇෆ්ගනිස්තාන රජයේ හමුදාවේ සාමාජිකයන් ලෙස කටයුතු කළ පිරිස් ISISk සංවිධානය සමගද එක්ව ඇති බව වාර්තා වේ.
විදෙස් මාධ්‍ය වාර්තා කර ඇත්තේ තලේබාන් සංවිධානයට එරෙහිව සටන් කිරීම සදහා ඔවුන් මෙලෙස ISISK හෙවත් කොරසන් පළාතේ ඉස්ලාමීය රාජ්‍ය සංවිධානය සමග එක්ව ඇති බවයි.
ඇමරිකානු ඇතුළු නේටෝ හමුදා වෙතින් පුහුණුව ලැබූ ඇෆ්ගනිස්තාන හමුදාවේ හිටපු බුද්ධි අංශ සාමාජිකයන් මෙසේ ISISK සංවිධානය සමග එක්ව ඇති පිරිස් අතර කැපී පෙනෙන බවද විදෙස් වාර්තා සදහන් කරයි.
මෙම පිරිස් උතුරු ඇෆ්ගනිස්තානයේ ISISK කදවුරු ආශ්‍රිතව කටයුතු කරමින් සිටින බව ද පැවසේ.
විදෙස් ආරක්ෂක විශ්ලේෂකයන් පවසන්නේ එළඹෙන අප්‍රේල් මාසයේ ශීත කාලය අවසන්වීමෙන් පසුව ISISK සංවිධානය විසින් තලේබාන් සංවිධානය ඉලක්ක කරගෙන ප්‍රහාර එල්ල කිරීම ඉහළයාමේ අවදානමක් පවතින බවයි.
