පවතින ආර්ථික අර්බුදය හමුවේ දුෂ්කරතාවයට මුහුණදී සිටින පකිස්තාන ජනතාවට එරට අගමැති ඉම්රාන් ඛාන් විසින් හදුන්වා දුන් සහන පැකේජය ව්‍යාජයක් බව එරට විපක්ෂය චෝදනා කරයි.
පසුගියදා අගමැති ඉම්රාන් ඛාන් ජාතිය අමතමින් ප්‍රකාශ කළේ ගිතෙල්, තිරිගු පිටි සහ ධාන්‍ය සදහා විශේෂ සහනයක් ලබාදෙන බවයි.
පකිස්තාන රුපියල් බිලියන 120ක් වටිනා මෙම සහන පැකේජය මගින් රට තුළ පවතින අධික උද්ධමනයෙන් පීඩා විදින මිලියන 130 ක ජනතාවට සෙත සැලසෙන බවද පකිස්තාන අගමැතිවරයා සදහන් කළේය.
කෙසේවෙතත් එරට ප්‍රධාන විපක්ෂයන් වන ජනතා පක්ෂය සහ මුස්ලිම් ලීගය සදහන් කරන්නේ ජනතාව මුහුණ දී සිටින දැවැන්ත ආර්ථික අර්බුදයට මුහුණදීමට මෙම සහන පැකේජය කිසිසේත්ම ප්‍රමාණවත් නොවන බවයි.
