කොවිඩ් මර්දනය කිරීම සඳහා වන එන්නත්කරණ ක්‍රියාවලියේ තෙවන (බූස්ටර්) මාත්‍රාව වෙනුවෙන් තවත් එන්නත් මාත්‍රා මිලියන 14.5 ක් ඇනවුම් කර ඇති බව සෞඛ්‍ය අමාත්‍යංශය පවසනවා.
එම එන්නත් තොගය ලබන වසරේ මුල් කාර්තුව වන විට ලැබෙනු ඇති බවයි අමාත්‍යංශය පවසන්නේ.
බූස්ටර් එන්නත් මාත්‍රාව ලබාදීමේදී වයස අවුරුදු 60 ට වැඩි ජ්‍යේෂ්ඨ පුරවැසියන්ට මූලිකත්ය ලබා දීමට නියමිතයි.
එමෙන්ම, සෞඛ්‍ය ක්ෂේත්‍රයට සහ සෞඛ්‍ය සේවයට සහයෝගය දැක්වූ ත්‍රිවිද හමුදාව වැනි පාර්ශවයන්ට ද මෙහිදී ප්‍රමුඛතාව ලබා දීමට නියමිත බවයි අමාත්‍යංශ ආරංචිමාර්ග පවසන්නේ.
