විපක්ෂයේ මන්ත්‍රීවරුන් අද (25) පාර්ලිමේන්තු සභා රැස්වීමට ස්ටිකරයක් හා විරෝධතා පටියක් පැළද පැමිණ සිටියා.
එහි සඳහන් වුණේ ‘කාන්තාවන්ට එරෙහි හිංසනය නවත්වනු’ යන්නයි.
පසුගියදා ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී තිස්ස කුට්ටිආරච්චි මහතා පාර්ලිමේන්තු මන්ත්‍රීවරියකට හා විපක්ෂ නායකවරයාගේ බිරිද සම්බන්ධ කරමින් සිදුකළ අසභ්‍ය ප්‍රකාශයට විරෝධය පලකරමින් ඔවුන් මෙලෙස පාර්ලිමේන්තුවට පැමිණ තිබුණා.
තිස්ස කුට්ටිආරච්චි මහතාගේ එම ප්‍රකාශය සම්බන්ධයෙන් කතානායකවරයාද දැඩිලෙස අවවාද කළත් ඔහු එම ප්‍රකාශය පිළිබදව සමාව නොගන්නා බව පවසා සිටියා.
කෙසේ වෙතත් මෙම අසභ්‍ය ක්‍රියාව සම්බන්ධයෙන් ශ්‍රී ලංකා පොදුජන පෙරමුණ මේ වන තෙක් කිසිදු ප්‍රතිචාරයක් හෝ ක්‍රියාමාර්ගයක් නොගැනීමද විශේෂත්වයක්.
අද පාර්ලිමේන්තුවේදී නැවත වරක් කතානායකවරයා හට විපක්ෂය බලකරමින් කියාසිටියේ පාර්ලිමේන්තු කාන්තාවන්ට සිදුකළ අපහාසය සම්බන්ධයෙන් තිස්ස කුට්ටිආරච්චි මන්ත්‍රීවරයාට කිසියම් ක්‍රියාමාර්ගයක් ගන්නා ලෙසයි.
