ප්‍රවීණ රංගන ශිල්පී සරත් චන්ද්‍රසිරි මහතා කොළඹ ජාතික රෝහලේ ප්‍රතිකාර ලබමින් සිටියදී අභාවප්‍රාප්ත වී තිබේ.
මොළයේ අභ්‍යන්තරයේ සිදුවූ රුධිර වහනයක් හේතුවෙන් පසුගිය සති කිහිපය පුරාවට ඒ මහතා කොළඹ ජාතික රෝහලේ දැඩිසත්කාර ඒකකයේ ප්‍රතිකාර ලැබීය.
1964 වසරේ උපන් ඒ මහතා මියයන විට 57වන වියෙහි පසුවිය.
මේ අතර ප්‍රවීණ රංගන ශිල්පී සම්පත් තෙන්නකෝන් මහතාද ඊයේ පෙරවරුවේ අභාවප්‍රාප්ත වුණා.
කොළඹ පුද්ගලික රෝහලක ප්‍රතිකාර ලබමින් සිටියදී මියගිය ඒ මහතා 62 හැවිරිදි වියේ පසුවුණා.
ප්‍රවීණ රංගන ශිල්පිණී රත්නා ලාලනී ජයකොඩි මහත්මියගේ දයාබර සැමියා වන ඒ මහතා දයාරත්න රටගෙදරගේ ගුරුලිපි නාට්‍යයෙන්, වේදිකා නාට්‍ය රංගනයට පිවිසි සම්පත් තෙන්නකෝන් මහතා තලමල පිපිලා, පුත්‍ර සමාගම, ගුරු තරුව, සුදු රෙදි හොරු, රෝමය ගිනිගනී, හිට්ලර්, අඹුසැමියෝ, නුඹ විතරක් තලඑලළුයි ආදී වේදිකා නාට්‍ය රැසකට රංගනයෙන් දායක වී තිබෙනවා.
රංදොරටුව, බුමු තුරුණු සහ භාග්‍යා වැනි ටෙලි නාට්‍යවලද අහස් මාළිගා, මධුරි, ගිනිඅවි සහ ගිනිකෙළි, සරෝජා, පත්තිනි, සිරි පැරකුම්, සිරි රජ සිරි ආදී චිත්‍රපටවලද ඔහු රංගනයෙන් දායක වුණා.
