රජය විසින් ලැජ්ජාව පසෙක තබා මේ වසරේදීවත් නිවැරදි තීන්දු ගතයුතුව ඇති බව සූර්යබල, සුළං හා ජල විදුලි ජනන ව්යාපෘති සංවර්ධන රාජ්ය අමාත්ය දුමින්ද දිසානායක මහතා පවසනවා.
ඒ, අද (03) දින නව වසර වෙනුවෙන් ශ්රී ලංකා නිදහස් පක්ෂයේ රාජකාරී කටයුතු ආරම්භ කිරීමෙන් අනතුරුව මාධ්ය වෙත අදහස් දක්වමින්.
පසුගිය කාලය තුළ කෘෂිකර්මාන්තය සම්බන්ධයෙන් ගත් තීන්දුව වැරදි තීන්දුවක් නිසා අද වන විට ආහාර හිඟයක් පවා ඇති වීමේ අවදානමක් පවතින හෙයින් එම තීන්දුව ආපස්සට ගන්නේද යන්න පිළිබඳව නොසිතා නිවරදි දේ කළ යුතු බවයි රාජ්ය අමාත්යවරයා පැහැදිලි කරන්නේ.
එමෙන්ම සියලුම ගොවීන්ට වන්දි හිමිවිය යුතු බවත් ජය තුළ යම් යම් ප්රශ්න තිබුණද ශ්රී ලංකා නිදහස් පක්ෂයේ වගකීම ඉදිරි කාලයේදී ඉටුකරන බවත් දිසානායක මහතා සඳහන් කරන ලදී.
කෙසේවෙතත් පසුගියදා මාධ්ය වෙත අදහස් දක්වමින් කෘෂිකර්ම අමාත්යවරයා පවසා සිටියේ සෑම ගොවියෙක් හටම වන්දි ගෙවීමට නොහැකි බවයි.