චීනය විසින් තම රටේ පැවැත්මට විවිධ බලපෑම් ඇති කරන බවට චෝදනා කරමින් නේපාලය තුළ විරෝධතා රැල්ලක් නිර්මාණය වී ඇතැයි වාර්තා වේ.
ස්වතන්ත්‍ර නාගරික් සමාජ සංවිධානය මෙම විරෝධතා මෙහෙයවන සංවිධාන අතර කැපී පෙනෙන අතර පසුගියදා ඔවුන් විසින් මෙහෙය වූ විරෝධතාවයක දී චීනය නේපාලය මත දේශපාලනික සහ ආර්ථික බලපෑම් එල්ල කරන බවට චෝදනා කෙරිණ.
එම විරෝධතාවයේ දී වැඩිදුරටත් හෙළිදරව් කෙරුණේ, චීනය විසින් නේපාලයේ උතුරු මායිමේ පිහිටි ඉඩම් ක්‍රමානුකූලව අත්පත් කර ගැනීම ද සිදුකරන බවයි.
මේ අතර චීනය නේපාලයේ භාණ්ඩ මිලදී ගැනීමේදී විවිධ බාධා කිරීම් සිදුකරන බවට ද චෝදනාවක් එල්ල වී තිබේ.
ඒ පිළිබද අදහස් දක්වන පාර්ශව පෙන්වා දෙන්නේ නේපාලයෙන් චීනය වෙත අපනයනය කෙරෙන භාණ්ඩ මත විවිධ කොන්දේසි පනවමින් එය සීමා කිරීම සිදුවන බවයි.
