රුසියාව සමඟ වෙළඳ අභියෝග ජයගන්නේ කෙසේ ද යන්න සොයා බැලීමට රජය බහු අමාත්ය කණ්ඩායමක් යොදවා ඇති බව ඉන්දීය විදේශ කටයුතු අමාත්ය එස්. ජයශංකර් එරට පාර්ලිමේන්තුවේදී ප්රකාශ කර තිබේ.
විදේශ කටයුතු අමාත්යවරයා මේ බව පැවසුවේ රුසියාව සහ යුක්රේනය සම්බන්ධයෙන් ඉන්දියාවේ ස්ථාවරය පිළිබඳව රාජ්ය සභාවේ නැගුණු ප්රශ්න ගණනාවකට පිළිතුරු දෙමිනි.
ඉන්දියාව, රුසියාව සමඟ වෙළඳ ගණුදෙනු අඛණ්ඩව සිදු කිරීමටත්, රුපියල සහ රූබලය ඒ සදහා යොදා ගැනීමටත් කටයුතු කරමින් සිටින්නේ රුසියාවට එරෙහි සම්බාධක පැනවූ රටවල් ගණනාවක් නවදිල්ලියට දූත පිරිස් එවා එක්සත් ජාතීන්ගේ සංවිධානයේ දී රුසියාව සම්බන්ධයෙන් වන කටයුතුවලදී ඡන්දය දීමෙන් වැළකී සිටීමේ ඉන්දියාවේ ස්ථාවරය වෙනස් කිරීමට උත්සාහ කරමින් ඇති පසුබිමකයි.
රුසියානු සම්බාධක සම්බන්ධයෙන් ඉන්දියාවේ සහයෝගය එක්සත් ජනපදය ඇතුලු Quad හවුල්කාර රටවල් හතරේ කණස්සලට හේතුවී ඇති බවත් එක්සත් ජනපදය සහ ඉන්දියාව අතර වෙළඳ ගණුදෙනු සඳහා එය බලපෑ හැකි ආකාරය පිළිබඳවත් ඉන්දීය පාර්ලිමේන්තුවේ දී දිගින් දිගටම ප්රශ්ණ කෙරිණි.
එහිදී ඉන්දීය විදේශ අමාත්ය ආචාර්ය එස් ජයිසංකර් පැවසුවේ ඉන්දීය විදේශ ප්රතිපත්තිය පිළිබද තීරණ ගනු ලබන්නේ ඉන්දියානු ජාතික අවශ්යතා සඳහා වන බැවින් යුක්රේන තත්ත්වය වෙළඳ ප්රශ්නවලට සම්බන්ධ කිරීමට හේතුවක් නැති බවයි.