හෙට දිනයේ පැය 7.30 ක දීර්ඝ කාලයක් සඳහා විදුලිය කප්පාදු කිරීමට අවසර ලබාදුන් බව මහජන උපයෝගිතා කොමිසම නිවේදනය කරනවා.
ඒ අනුව හෙට (මාර්තු 29), A,B,C,D,E,F,G,H,I,J,K,L ප්‍රදේශවලට පෙරවරු 8.00 සිට පස්වරු 6.00 අතර පැය 5ක් සහ පස්වරු 6.00 සිට රාත්‍රී 11.00 දක්වා පැය 2 විනාඩි 30 ක් විදුලිය කප්පාදු කෙරෙනු ඇති.
එමෙන්ම P,Q,R,S,T,U,V,W ප්‍රදේශවලට පෙරවරු 8.00 සිට පස්වරු 6.00 අතර පැය 5ක් සහ පස්වරු 6.00 සිට රාත්‍රී 11.00 අතර පැය 2 විනාඩි 30 ක් විදුලිය කප්පාදු කිරීමට නියමිතයි.
ඩීසල් අර්බුදය තවදුරටත් පැවතීම හේතුවෙන් ජාතිය විදුලිබල සැපයුමට ඩීසල් බලාගාරවලින් ලැබෙන දායකත්වය දිගින් දිගටම පහත බැස තිබෙනවා.
කෙසේවෙතත් අද පැවති ප්‍රවෘත්ති සාකච්ඡාවකදී වරාය අමාත්‍ය රෝහිත අබේගුණවර්ධන මහතා පැවසුවේ පසුගිය වසරටත් වඩා වැඩි ඉන්ධන ප්‍රමාණයක් මේ වන විටත් ආනයන කර ඇති බවයි.
