‘We Want Gota’ (අපිට ගෝටා අවශ්‍යයි) තේමාවෙන් යුක්තව අද (11) දින හලාවත දී රජයට පක්ෂව පෙළපාලියක් සංවිධානය කර තිබිණ.
එහිදී රජයට විරුද්ධව පැමිණි විරෝධතාකරුවන් පිරිසක් විසින් හූ හඬ නැගීමත් ගල්-මුල් ප්‍රහාර එල් කිරීමත් හේතුවෙන් ඇතිවූයේ උණුසුම් තත්වයක්.
මෙම ගැටුම පාලනය සඳහා සඳහා 100ට අධික පොලිස් කණ්ඩායමක් යොදවා තිබූ අතර පොලිසියේ සහයට යුධහමුදාව යොදාගැනීමට ද පොලීසිය කටයුතු කර තිබුණි.
රජයට පක්ෂපාති පිරිස් සහ විරෝධතාකරුවන් 1000ට අධික පිරිසක් මෙම ස්ථානයට රැස්ව සිටි අතර අවසානයේදී කතෝලික ආගමික නායකයින් විශාල පිරිසක් ද රජයට එරෙහිව හලාවත නගරයට එක්විය.
මෙම විරෝධතා හා ගැටුම් හේතුවෙන් විශාල රථවාහන තදබදයක්ද ඇතිවූ අතර ගල්ප්‍රහාරයකින් වාහනයක ඉදිරිපස වීදුරුවක්ද විනාශ විය.
මෙහිදී කිසිදු විරෝධතාකරුවෙකුට තුවාල සිදු නොවූ බවයි පැවසෙන්නේ.
