රජය විසින් වත්මන් යථාර්ථයට හිස නැමිය යුතු බවත් එසේ නොකළහොත් මහජනයා ප්‍රචණ්ඩත්වය කරා යෑම සම්බන්ධ වගකීම රජය විසින් භාරගත යුතු බවත් හිටපු අමාත්‍ය විමල් වීරවංශ පවසනවා.
ඒ, අද (20) දින පාර්ලිමේන්තුව අමතමින්.
මෙහිදී වැඩිදුරටත් අදහස් දැක්වූ හිටපු අමාත්‍යවරයා,
“අපි කවුරුත් ඉතාම කම්පනයට පත්වෙන තත්ත්වයක් මේ රටේ තියෙන්නේ. මහ පාරවල් වහගෙන මිනිස්සු පාරට බැහැලා. රටම ඇණහිටලා. මේ වගේ තත්ත්වයට යාමේ අර්බුදය ඔය පිටිපස්සට වැටිලා ඉන්න නාමල් රාජපක්ෂ ඇතුළු හැමෝගෙම හෘද සාක්ෂිය දන්නවා.
ඔය තිබුණු ඇමති මණ්ඩලය ඇතුලේ මේ අවදානම අපි පෙන්වලා දුන්නා. තමුන්නාන්සෙලා ගෙනාපු ද්විත්ව පුරවැසියා නොහොත් කපුටා ඒ සියල්ල බැහැර කරලා ආර්ථිකය සුව පහසු තැනකට යනවා කියන එක පෙව්වා.
තමුන්නාන්සේලා කපුටාගේ ක්‍රියාව පිළි අරගෙන හිටියා. අද ජේෂ්ඨ කට්ටියට හතර ගාතේ දාලා පස්ස පැත්තෙන් වැටෙන්න සිද්ධවුණා.
මාර්තු 3 වෙනිදා මාවයි ගම්මන්පිලවයි අයින් කළා. බොහොම ස්තූතියි. අප්‍රේල් තුන් වැනිදා වෙනකොට පෙරේතයා පොලේ ගැහුවා වගේ අර කපුටත් නෑ. අපිට පහරදුන්නට අපි ඒ විදිහට පහරදෙන්නේ නැ. අදවත් කරුණාකරලා යථාර්ථයට හිස නමන්න.. නැත්නම් මහජනයා ප්‍රචණ්ඩත්වය කරා යන එකට වගකීම බාරගන්න.”
