චීනය ටිබෙටයේ ගංගා හරහා දැවැන්ත වේලි ඉදිකිරීමේ ව්‍යාපෘති මාලාවක් ක්‍රියාත්මක කරමින් දකුණු හා අග්නිදිග ආසියාවේ ජල ආධිපත්‍යයක් නිර්මාණය කිරීමට උත්සාහ කරන බවට චෝදනාවක් එල්ල වී තිබේ.
ග්ලොබල් ඕඩර් පර්යේෂණ වාර්තාවක් අනාවරණය කරන්නේ චීනය මේ වනවිට වේලි 30,000කට අධික ප්‍රමාණයකට නිවහන වී ඇති බවයි.
එය ලෝකයේ සෙසු රටවල ඇති මුළු වේලි සංඛ්‍යාවට වඩා වැඩි බව අදාළ වාර්තාව මගින් වැඩිදුරටත් හෙළි කර තිබේ.
ඔවුන් තවදුරටත් ටිබෙටයේ දැවැන්ත වේලි ඉදිකරමින් ඇති බවත් මේ හරහා දකුණු සහ අග්නිදිග ආසියාවේ බොහෝ රටවල විශේෂයෙන්ම එම රටවල පහළ කලාපයේ ප්‍රදේශ බරපතල ජල ගැටලුවලට මුහුණදීමේ අවධානමක් මතුව ඇති බවත් අදාළ වාර්තාව සදහන් කරයි.
