සහල් හිඟයක් ඇති නොවන බව වෙළඳ වාණිජ හා ආහාර අමාත්‍යාංශය පවසනවා.
මේ මස 25 වැනිදා වන විට සහල් මෙට්‍රික් ටොන් හතළිස් හත්දහසක් මෙරටට ගෙන්වා ඇති බවයි එහි ලේකම් එස් .ටී. කොඩිකාර මහතා සඳහන් කරන්නේ.
මේ මාසය තුළ පමණක් සහල් මෙට්‍රික් ටොන් 25,000 ක් මෙරටට රැගෙන විත් ඇති බවත් ඉන්දියානු ණය යෝජනා ක්‍රමට යටතේ එම සහල් මෙරටට ගෙන්වා ඇති බවත් ලේකම්වරයා පවසනවා.
නාඩු, සම්බා,සුදු කැකැළු සහල් එම තොගයට ඇතුළත්.
ඉන්ධන ගැටලුව හේතුවෙන් සහල් බෙදාහැරීමට බාධා මතුව ඇතැයි වෙළඳ වාණිජ හා ආහාර අමාත්‍යාංශය පවසනවා.
