ජනාධිපතිවරයකු තෝරා පත්කර ගැනීම සඳහා ලබන 20 වනදා පාර්ලිමේන්තුවේ පැවැත්වෙන ඡන්ද විමසීමේදී කිසිදු අපේක්ෂකයකුට ඡන්දය ලබා නොදෙන්නට පක්ෂය තීරණය කර ඇතැයි ශ්‍රී ලංකා නිදහස් පක්ෂ නායක මෛත්‍රීපාල සිරිසේන මහතා පැවසුවත් තමන් එම තීරණයට එකඟ නොවන බව එම පක්ෂයේ පාර්ලිමේන්තු මන්ත්‍රී චාමර සම්පත් දසනායක පවසනවා.
ඒ, ඊයේ (17) පැවති මාධ්‍ය හමුවක් අමතමින්.
මෙහිදී වැඩිදුරටත් අදහස් දැක්වූ චාමර සම්පත්,
“මේක ප්‍රජාතන්ත්‍රවාදී නෑ කාටවත් ඡන්දය දෙන්න එපා, ඡන්දෙන් වැළකිලා ඉන්න කියනවා නම්. එහෙම නම් අන්තිමේ කියයි ශ්‍රී ලංකා නිදහස් පක්ෂයේ බණ්ඩක්කා න්‍යාය කියලා. මොකද, ලිස්සලා යනවා කියයි රටේ ජනතාව. සමහර බණ්ඩක්කා න්‍යාය තියෙන අය ඇති, අපට බණ්ඩක්කා න්‍යාය නෑ. මම පාර්ලිමේන්තුවේදී ජනාධිපතිවරයෙක් තෝරාගන්න ඡන්දය දෙනවා”
