දෙමළ ඩයස්පෝරාව තහනම් කිරීම අසාධාරණ ලෙස සිදුකර ඇත්නම් එය ඉවත් කිරීම ගැටලුවක් නොවන බව ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ පවසනවා.
ඒ, රූපවාහිනී සංවාදමය වැඩසටහනකදී අදහස් දක්වමින්.
කෙසේ නමුත් අදාල තහනම ඉවත් කිරීම සිදුකළ යුත්තේ ඔවුන්ගේ ඩොලර් ආයෝජනය මත පදනම්ව නොවන බවයි මන්ත්‍රීවරයා පෙන්වා දෙන්නේ.
“අපි ඉන්නේ නිදහසින් පසුව දරුණුතම ආර්ථික අර්බුදය හමුවේ. අර්බුදයේ ඇත්ත පීඩනය තාම අපි භුක්ති විඳින්නේ නෑ. අපි වැටිලා තියෙන ආර්ථිකමය වළ අපිම කපා ගත්තු වළක් නේ. 1977ට කලින් අපේ වෙළෙඳ පරතරය ආනයන හා අපනයන අතර පරතර ධන ඩොලර් බිලියන 1,000යි. අද සෘණ ඩොලර් බිලියන 1,000යි. එතකොට තෙරුම් ගන්න පුළුවන්නේ අපි හිටපු තැනයි දැන් වැටිලා තියෙන තැනයි.
ඒ අය ගෙනාවත් නැතත් අසාධාරණ තහනමක් තියෙනවා නම් ඒක අයින් කරන්න. ඒක ඩොලර් එකට පූට්ටු කරන්න එපා. ඩොලර් එකට පූට්ටු කරලා ඒ ගැන තීරණ ගන්න ගියාම අපිට ඩොලර් තමයි ලොකුවට පේන්නේ. ආරක්ෂාව පිළිබඳ ප්‍රශ්නය නොපෙනී යනවා. ආර්ථිකය මෙතනට වැටෙන්න ඇත්ත හේතුවලට තවමත් උත්තර නෑ. ඒක අයාලේ යන්නේ තාමත්. වර්ථමාන ජනාධිපතිවරයා මොකක්වත් මට නම් අලුත් පියවරක් ගත්තු බවක් පෙන්න නෑ.
